tag:blogger.com,1999:blog-7262389902701645338.post6115700738073487733..comments2023-11-29T17:03:57.791+01:00Comments on Ajvan Doktor®/Ајван Доктор®: А1 - ВИРТУЕЛНИТЕ СЛОБОДИ И ПРАВААјван Доктор®http://www.blogger.com/profile/07519465193069148532noreply@blogger.comBlogger1125tag:blogger.com,1999:blog-7262389902701645338.post-57423778297379982072010-11-29T16:41:40.133+01:002010-11-29T16:41:40.133+01:00Грдата и вознемирувачка слика на полициски кордон,...Грдата и вознемирувачка слика на полициски кордон, кошкањето пред влезот во А1, признавам ме вознемири многу, впрочем како и целата македонска јавност. Едно станува јасно, а треба и да и` биде јасно и на новинарската фела (вклучувајќи ја К.Блажевска од „Дневник“ што и` било незгодно да се јави во живо), дека тие не се spin-мастери и не креираат никаква политика, туку се само наемна сила, ај да не кажам робови, на некои си газди. Нема ниеден од нив што има свој медиум, за да може да креира политика и да влијае врз неа. Грдите настани уште еднаш ја покажа поделеноста и немањето интегритет на новинарите, чиј кредибилитет е паднат под нулата.<br />Страшно е што во оваа земја нема место за оние што мислат со свои глави, за оние што се чувствуваат Македонци без додавката -фили или -мани,за чесните и принципиелните. Нив, веднаш ги сместуваат во графата на предавници,платеници, државни непријатели,членови на некаква ФАМИЛИЈА, а ним всушност не им треба ни ФАМИЛИЈА ни спонзори, ни газди. Го имаат својот ум и моќта што непобитно оди со тој ум, на кое било географско одредиште. Сакам да живеам во Македонија,СЕГА и ОВДЕ, уморен сум од чекање на вакви или такви датуми цели 20 години, да не бидам партиски определен, своето политичко убедување да го изразам легитимно на избори, не ми се потребни икони, не мислам да правам кариера, сакам јас да бидам јас со сите мои маани и доблести.<br />И ги молам новинарите и „новинарите“, да не ме трујат секојдневно со своите написи, зашто уште од првите нивни реченици, знам чии наемници се.Според тоа не ги примам сериозно нивните чкртаници,а имам и една лоша навика ( за денешно време)да читам и други писанија и КНИГИ и да си донесувам свои судови и заклучоци.Најмногу се плашам од толпата и масовната хистерија, на кои не сум припаѓал никогаш.Anonymousnoreply@blogger.com