Thursday, December 6, 2012

ГРАБЕЖ





„Ко украде један хлебац,
Тога тежа казна стиже,
Него оног - правдо худа,
Милионе који диже!“
 („Лопов“ – Коста Абрашевиќ)


Актуелно е барањето за воведување санкции за кражбата на електрична енергија и вода, како и градењето на туѓо земјиште како кривични дела кои ќе се казнуваат со казна до 20 000 евра и до три години затвор. Не знам зошто ваквите кражби досега беа премолчувани и зошто не се внесени како опција во кривичните закони. Зарем секоја кражба не е кражба?! Зарем има и дозволени кражби?! Ќе треба ли да воведуваме посебни членови во законите и за грабежот што го вршат моќниците од позиција на власт, или тие вршат „корисни малверзации“ со кои воопшто не нè пљачкосуваат?

Tuesday, November 13, 2012

РАЃАЊЕ НА РЕНЕСАНСАТА




фреската „Оплакување Христово“
од црквата „Св. Пантелејмон“, Нерези
 Деновиве бев шокиран од новото тврдење во владиниот рекламен спот „Истражи ја Македонија“ дека, покрај барокот, кај нас започнала и ренесансата. Тоа да ни била владина „кампања за промоција на Македонија како атрактивна туристичка дестинација“, па затоа било дозволено да кажеме сè и сешто во неа.(?!) Всушност, не можам да се одвојам од впечатокот дека пропагандната преродбеничка машинерија постојано се обидува да нè убеди дека Македонија е центар на светот. Според нив, таа е матката на светот.

Wednesday, September 26, 2012

ГРАДИТЕЛИ — РУШИТЕЛИ



„Филип II“ и „Олимпија“ на Плоштад
„Карпошово востание“?!
 Деновиве, пропагандната машинерија на владетелот, испровоцирана од пишувањата на еден наш универзитетски професор, дека „Скопје 2014“ треба да се растури со употреба на француски клуч, повторно манипулира со јавното мнение, прикажувајќи ни ги кичфигурините и псеудобарокниот кичерај како високовредна уметност. Во светот има порцелански фигурини (пониски од 14,5 cm) кои во себе содржат поголеми уметнички вредности од псеудоуметничките достигнувања на „скопската“ инсенија (насилно наметната квазиуметност од полуписмени и не(д)ообразовани политичари).

Thursday, September 20, 2012

ЗГОЛЕМЕНА ПОТРОШУВАЧКА, ИЛИ ЗГОЛЕМЕНА СИРОМАШТИЈА?!



Една од задачите на новинарите, покрај истражувањето, е и да манипулираат со јавното мнение. Тоа се случува и во текстот објавен во „Дневник“ со наслов „Парите од под перница ги хранат граѓаните, кој тврди дека зголемувањето на потрошувачката во земјава бил добар показател за земјава, но суштински бил лош знак?! Приказните за „позитивна“ рецесија, може да ги чуете само кај нас, во Земјата на чудата. Експертите биле толку стручни, што поим немаат зошто се случува зголемената потрошувачка?! Одговорот и не е толку сложен, како што тврдат.

Tuesday, September 11, 2012

ВИДЕО КЛИТ




Изминатата недела, македонската виртуелна социјална мрежа ја шокираше видео-изјавата на едно петнаесетгодишно малолетно девојче. Тоа одлучило да проговори за своето наводно сексуално искуство, советнички одговарајќи на прашањето на своја другарка за болот при првиот сексуален однос. Приметно е што македонската јавност повеќе ја возбуди фактот дека оваа малолетничка наводно веќе го имала своето прво сексуално искуство, одошто другите појави околу самиот видео клип. Нормално, први се јавија нејзините „најдобри другари“ раскажувајќи ја сказната дека таа била „скината“ уште на тринаесет години и дека работата не си ја завршил „шизикот“ Миле, туку некој сосема друг („поголем шизик“ од него), па потоа следувале деведесетина (леле, каква сериозна колекција на искуства).

Monday, September 10, 2012

ЛУДИЛОТО ПРОДОЛЖУВА

Трајно лудило (кликни за да ја зголемиш сликата!)

Нормално, господата покондурени сељаци не може да знаат дека тогаш во град се носела облека (а`ла турка, или а`ла франка), а не носија. Носиите идат уз опинци, не со кондури, патики и со шешири. Изгледа, повторно некоја загатка ќе да е! :0)))

За другите фелери на „преродбата“:
УТНАТА ГОДИНАТА НА ЗГРАДАТА НА МНР
ГРЕШКА НА СПОМЕНИК ВО ЖЕНА ПАРК

Wednesday, August 8, 2012

ПРЕД СРАМОТ НА „ЅИДОТ НА СРАМОТ“



Крајно бесмислени се „ѕидот на срамот“ (јавното интернет објавување на наводни кодоши), како и лустрацијата која се врши по цели 20 години од падот на „комунизмот“. Меѓу „жртви на кодошењето“ можно е да се најдат и луѓе кои се судени за криминал и силување, токму како и на онаа листа на „репресирани патриоти“. 

Saturday, June 16, 2012

ГОЛЕМА ГАЛАМА ЗА НИШТО







Деновиве во Скопје се одржува настан кој се именува како фестивал
Скопје креатива“.  Почнаа да се пишуваат текстови како најава за настанот, одредени новинари кои немаат поим од естетиката веднаш, однапред, уште неотворен, го прогласија за врв на креативноста и естетското доживување. Идејата, најверојатно потекнува од самиот назив, кој ги поттикнал априори да го наречат „собир на креативци“. Излегува дека е доволно да кажете дека се занимавате со уметност и со дизајн за да кај нас бидете прифатени како уметник и дизајнер. Доволно е да пишете дека сте креативна личност и веднаш да бидете пропагирани како таков.

Monday, May 7, 2012

НЕДОРАСНАТ ЗА АРХИТЕКТУРАТА


Споменик на
паднатите херои во Жена парк,
или Берлинска колумна на победата?!
А, што друго да каже почитуваниот господин Танге? Сигурно бил шокиран од убавињата на преродениот барок! Ако некој ужива во грдото и го воспева како убавина, треба ли тој да му го ускрати задоволството? Зарем би требало да расправа со некого кому естетиката не му е ниту во зародиш? Што да каже, ако некој ужива во грдиот сладкаст кичерај и го воспева како убавина единствен градски белег на ребрендираното Скопје!? Зарем би требало да објаснува за убавото некому кому вилеровите“ гоблени во златна „барокна“ рамка му се естетски врв, или, пак, со оние кои купуваат слики на кило за да им одговара на мебелот? Како оние во ТЦ „Бисер“, или пред Гратскиот трговски, каде сликите се продаваат за 50-100 евра, во зависност од димензиите?!

Friday, May 4, 2012

МИЛОЗЛИВ ПОТСЕТНИК ЗА ПОЛИЦИЈАТА






Карактеристично за случајов е што за апсењето на дваесеттина терористи, МВР употребило 800 полицајци! Истиот број специјалци, можеби и поголем, беше употребен и при апсењето на Велија Рамковски и на неговите соработници, обвинети за злосторничко здружување и за затајување на данок. Се поставува прашањето што е поопасно за државата, тероризмот, или неисполнителните даночни обврзници!?

Thursday, May 3, 2012

ИСПОВЕД НА ГРЕШНИОТ




Деновиве се изнаслушав глупости од типот дека сите оние неверни се некои зли и расипани до с’рж луѓе, платеници на странските служби, предавници, луѓе криминалци и убијци, кои повеќе наликуваат на монструми и некакви мутирани суштества од вселената отколку на живи овоземни битија. Неретко ваквите констатации потекнуваа од такви пред чие име стои некоја научна титула. Наспроти тоа, тие нè уверуваат дека верните се високоморални личности, преполни со љубов за ближните, кои никогаш не би посакале туѓо, ниту украле, ниту би сториле некакво зло.

Wednesday, March 28, 2012

(НЕ)АРГУМЕНТИРАНО ПРОТИВ ЛЕГАЛИЗАЦИЈАТА






Во саботното издание на „Дневник“, Влатко Ѓорчев, пратеник во Собранието, ја отвори повторно темата за проституцијата во Македонија. Она што ме зачуди во текстот е површноста со која тој расправа за оваа сериозна тема и застанува против нејзината легализација, што повеќе посочува дека аргументите се резултат на политичка проституција и додворување кон електоратот, отколку сериозен политички настап. Неколкуте тези изнесени пред читателите, под превезот аргументација против легализацијата, всушност воопшто не се тоа.

Friday, March 16, 2012

РАЃАЊЕТО НА ЗЛОТО III (ЅВЕРОТ)




Сè започна со писмото до партиското членство. Се чудев, како е можно во XXI век некој да ги прогласува сите неистомисленици за непријатели на татковината и за предавници на македонштината со кои конечно треба да се пресметаме во решавачкиот бој!? Навистина, ваквите сподоби постојано ни се презентираат како врвни патриоти. Доволно е да бидете ВМРО (НП, ДПМНЕ, ТМОРО, Гоцева…), па да станете веднаш, по автоматизам, невиден патриот-надчовек, „загрижен, исклучиво за македонскиот народ и за неговите интереси“. Парите кои при тоа ќе ги стекнете се попатна неодвоива и неодолива патриотска придобивка. 

РАЃАЊЕТО НА ЗЛОТО II






"Ние, българите от Македония и Одринско, не трябва да изпущаме изпредвид, че има и други народности и държави, които са много заинтересовани от разрешението на този въпрос. Една намеса на България ще предизвика намесата и на съседните държави и може да доведе до разпокъсването на Македония. Ето защо народите, населяващи тия две области, трябва сами с общи усилия и жертви да извоюват своята свобода и независимост в границите на една автономна Македоно-Одринска държава, като разчитаме само на материалната и морална подкрепа на България и на Великите сили”.
(Гоце Делчев)

РАЃАЊЕТО НА ЗЛОТО I




"Другари, не виждате ли, че сега вече не сме роби на разпадащата се турска държава, а сме роби на европейските велики сили, пред които Турция подписа своята пълна капитулация в Берлин. Затова трябва да се борим за автономията на Македония и Одринско, за да ги запазим в тяхната цялост, като един етап за бъдещето им присъединяване към общото Българско отечество”.
(Гоце Делчев)
...

КАРАКТЕРОТ НА ЅВЕРОТ

Стамболиски — крвавата неизбришива дамка


Александар Стамболиски е човекот кој прв ја согледал опасноста од сатрапот кој го создала бугарската држава. ВМРО дотогаш имало извршено бројни колежи во кои страдале бројни невини цивили. Ѕверствата и теророт извршени од оваа крвава терористичка организација во дваесетите години од минатиот век станале толку силни што на луѓето во Македонија и Бугарија им било страв да се движат низ улиците. Македонија, ми велеше еден постар граѓанин, наликуваше на место во кое царуваат анархијата и теророт.

Wednesday, January 25, 2012

ЗА ТАЈНИОТ ЧОВЕК И ЗА ТАЈНИТЕ СЛУЖБИ



Како и во реалниот живот, така и на Фејсбук — едни ви се пријатели, а некои се таму само за да проверат кои сте, што сте и до каде сте, иако слабо, или никогаш не комуницираат со вас. Тука се, само за да ѕирнат што сте ручале, што сте имале за доручек, дали сте воделе љубов со жена ви, или можеби повеќе преферирате да ја возбудувате швалерката… Кога ви е најтешко ретко ќе ве сослушаат и тешко дека некогаш воопшто ќе ви помогнат, но, кога треба да ја отворат устата за вас, тогаш се први. Секогаш се подобро упатени за вашиот живот дури и од вас самите! Ги знаат и најситните подробности од вашиот живот, па дури и оние за кои никогаш и воопшто не сте ни сонувале.

Friday, January 20, 2012

МИЛЕНИУМСКИ УБАВИНИ




Влегов во оној ретро-Милениумски-крст автобус. Пристигна на автобуската станица целиот во кал ― од долу, па до вториот спрат. Црн и сив, со додатоци на црвената. Каков прекрасен начин да се привлечат туристи! Очекував дека барем внатре ќе биде нешто подобар,но и таму сликата потполно иста, кал и ѓубре на подот колку сакаш. Земав билет и седнав. Ечи новокомпонирана музика. Оваа, велат, е уметнички повредна од оној увозен турбофолк. Ма, каква Цеца! Има ли нешто подобро од Сузе Национале, или од… Како ли се викаше само? Пред мене,еден господин, облечен во капут и со шешир (не се ни обиде да го симне од главата), почна да си ги истражува внатрешните богатства на својот нос. Успеа да извади парче „руда“ од таму и веднаш почна да го обработува со прстите правејќи топче.

Friday, January 13, 2012

„ГРАЃАНСКА“ ЕСТЕТИКА




Утро е! Петок 13-ти. Едвај чекам да видам каква нова глупост ни смислил владетелот. Како тргнало, почна да ми станува страв и да се разбудам. Покрај сите глупости што ги прави оваа власт во обид да му се допадне на народот, еве ја и најновата: „Изберете го новиот лик на зградата на Илинденска б.б.“, велат. Владата и граѓаните ќе ја бираат новата фасада. Поставија и анкета на сајтот на владата: „Од причини што се работи за проект и решенија кои беа надвор од Програмата за работа на Владата“, усвоена во Собранието, бараат финална оценка и потврда од страна на граѓаните за своето лудило. Оценката ќе била од значајна корист за стручната комисија при натамошните постапки, велат.