ПЕСНА ЗА „НАШИОТ“ ПАСТИР

Еве една песничка за пастирот,особено за овците ;)
!*Кликни и прочитај повеќе

ПАСТИР

Јас сум политичар, Јас сум си власт!

Мене, секоја ми чест,

ќе ве изедам во сласт!

Чуда правам и во колото на историјата

Назад ќе ве ставам!

Јас сум политичар и многу сум силен,

На народот мој, секогаш сум му милен!

Надгробни споменици ви спремам,

Вредно работам (24/7) дури и кога дремам,

Способен сум дури и душата да ви ја земам!

Јас сум политичар!

Јас сум даса!

Не давајте многу

да се бранува

Народната маса!

Ќе ми позавидат Нерон, Катерина Медичи, Хитлер, Иди Амин…

Дури и Бокаса!

Јас ќе ги надминам сите нив и ќе станам,

дури и од нив, поголема гнаса!

Се разбирам во сè:

Економија, историја, дипломатија, медицина…

Ете… и магистер сум славен,

Па како и нема, кога сум главен!

Јас сум примитивен и роден сум си прост!

На времето немав ниту за пост!

Бев гол и бос, со прстот

Секогаш закопан во нос!

Но, денес - Гозба правам!

А како и не би,

Кога - Од Народот,

Во џебот веднаш си ставам!