МОБИ-ЛИЗАЦИЈА, МИТИНГ...

Пренесено до вас со благослов од Лудата Мара, „Утрински“16.6.2010!


Отсекогаш знаев дека Бабата што доцни е некоја стара Гатара,која визионерски ни ја гледа Иднината!Секој ден ја очекуваат и на телевизија,заедно со Шерифот од бајките!Замислете се јавувате на 0800 ХХХ5-550 и наместо хардкор (*народен панк,не она другоно) налетувате на визионерска Баба, „наша“најубава збрчкана убавица,која,по доцнење на емисијата од половина час,ви се смешка од ТВ-екраните и ви вели:

„Ве молам,одберете си Надгробен Споменик пред кој ќе се лечите!“...„За Даме,притиснете 1,за Гоце,притиснете 2,за Ченто 3...“,а веднаш потоа продолжува: „За да продолжите,Ве молиме надополнете ја „Нашата“сметка!“...„Повелете на е-плаќање...отворете го лаптопот и приклучете се на нашата е-бесплатна е-Македонска интернет мрежа!“... „Поставете го вашето прво прашање и кликнете 9!“„Биииип!“...„Не се дозволени прашања за платите,за трошоците што ги прави владата,за лековите,рецесијата,...!“...„Ве молиме обидете се повторно!“...„Во меѓувреме Купете ја „нашата“книга!“ ...„Туут...тууут,туууут...!“...